Nigeria goment don write letter give CNN to chook eye again inside di investigation dem do ontop di shooting wey happun for di Lekki toll gate, Lagos, Nigeria.
For di letter wey dey addressed to di VP Communications of CNN, Mr Jonathan Hawkins.
Di letter say:
“Our attention don land di ‘investigation’ by CNN, titled ‘How a Bloody Night of Bullets Quashed a Young Protest Movement’ and wey air on 18 Nov. 2020, for wia inside, di international news organization say dem don”uncover say Nigerian security forces open fire on unarmed protesters” for di Lekki Toll Gate for Lagos, Nigeria, during di #EndSARS protest.”We write to put on record say di report did no just fall shortof journalistic standards, e add to di wrong disnformation wey dey go round around di issue, e dey irresponsible and na poor piece of journalistic work by di ogbonge international news organization.” Di letter tok.
Di letter wey also warn CNN say di kontri get di right to take any action withig di law to prevent di media organisation from worsening the End SARS crisis, draw ear give dem to investigate dia report.
Wetin else dey di letter?
- Goment say di report no live up to di most basic of di core principles of journalism – balance and fairness.
- Goment accuse CNN say dem rush to do og bonge story like dat without hearing from di side of di goment. FG say dat na something wey dey inexcusable and indefensible.
- Goment say CNN, for dia ‘investigation’, rely well-well on social media footages an dat one dey dangerous.
- Goment say CNN depend heavily on DJ Switch account wey according to dem, don change several times.
- Gomet say CNN no mention di violence afta End SARS protest wey turn deadly and kill some police officers.